Tunai ah kan khua caah tin kan zanmang hmanh i kan manh dah lomi GFYO(Global Falam Youth Organization) nih kan khua Mino lehpannak(pumpululh) caah tingkhat(100000ks) an kan hlu i Ramthlo Mino nih an cungah lungawinak tampi kan nei tiah hi capar in thawng kan rak tar. Tangka hlu phah ah kan khua ah Falam in Mino 8 an hong kan tlawng phah i pawlkomhnak ah suncaw kan dum khat hni. Hi bantuk in Falam peng i a um mi kanmah Ramthlo ca-ah khua an khan mi hi i cawn tlak hrimhrim a si tiah ka ruah. Au nih thawng kan thanh in kan daih mi khal asilo na in Mino thansonak cah zawnruat in an kan telpi mi hi hngilhni a um lo lai.. Thazaang thar kan laaknak si hraam koseh. Atu hi kan khuasung i Club lawng silo in Tlaangzaar in tla Laiva club an rong suak kho ve cang. Kan dung zarh le zarh hmasa ah Falam in New Club le Thlanrawn pawl an hong i Friendship nak ah tiah Pumpululh sitnak kan nei. Falam Vs Ramthlo 4:2 le Thlanrawn Vs. Ramthlo 0:2 tin kan si. Kan lehpan daan a tha phah vima cang. A rauh hlan ah Chuncung an rong hrih lai. Kan i tumtah bikmi cu Mino pawl nih thazaang thar kan laak sal i kan khua kan ram i mi thiam sang an suak kho nak ding ah a si bik ko. Atui ka rak tar mi kan khua thuthang pawl hi Chinworld.info khal ah an tar ve cang mi asi. Kan uniform kong kau cu Club pakhat ah 100000 cu kan tul ko. Tu hi Senri cu a than a sia bik pawl kan cawk i 50000 a ek. Phaizong Club pawl hi a tu tangka an hlawh lengmang lio asi i an i cawk kho zau lai. A nguhdaih cu an nei lo nan Saya Piang Bik nih a rak khan sak sung hni lai. Sokhlei le Bingbir Club pawl an tang hrih. Adangdang kan tulh herh a tam tuk i thazaang in kan hlawh cio ko. Khuasung khal bomhnak kan daih lemlo. A dang khal asi kho sungin bomhnak lam pang hi cu daih kan i tum lo nan mah lungtho te in a kan bawm duhtu an um le kan cohlan ko. Bomhnak kan daih lonak aruang cu lethnu lam ah thuhla a tam theu i kan buaibai theu ruangah asi. Kanmah lam cu kan i simhlawm kho hrih lo nan a si kho sung in kan taal lengmang lio ko. Mino kan si bang in tha pek hi kan tul tuk ko. Tha kan pe cio hni sehla cu kan i dang ngaingai ko lai. A rauh hlan ah Hngaksia pawl tla lehpannak kan tuah som lai. Kan khua le kan ram caah zawn a rak ruattu nan zate cungah lungawinak tampi kan nei. Kan khuakhan mi Kan cung Pathian nih tlamtlin ter in lam kan hruai hraam seh! Ramthlo khua hi mikip nih theimi khua pakhat a si te hrimhrim ko lai.
Salai Cungthawnglian