An Dawh Ter Kan Khua (Biazai) - Mai Ngun Siang Dim

Zinglam Ni ceu dawh hung suak caan,
A cuang hlei ee Zinghmuh tlang dawh.
Zei nih tluk hlah tah thim ding ah.
A dawh ter ee semnak kan khua.

Bingbir, chokhlei, faizong par dawh.
Lairawn pangpar lairawn tili.
Ramsa phun kip vate phun kip.
Cherhti kik le zilthli thiang nih,
An dawh ter ee semnak khan khua.

Zanlam ni nem Tuarthlua tlang dawh.
A lang hlei ee Thinglam tah te.
Zingnu biaknak thlacam nak tlang.
Thin hna ngam ter cui aw thawng nih.
A dawh ter ee semnak kan khua.

Hon thlir ning ee a lang tlang in.
Hring dil del in loram leikuang.
Kawlrawn, Tualzam, Zingphul tlang le
tlangtluan kip ih tingkung hrampi.
An dawh ter ee semnak kan khua.

Zingnu pek mi kan ram kan khua,
Na hrin fa nih kan ngai tuk ee.
khuadang ramdang hmunzakip in,
Kan in hlam ko kan in dawt ko.
Sim rel khop hlah nai dawhnak par.

Cawi sin uh sih hlorh sin uh sih.
Mi iang lo in dawh ter uh si.
Na fimthiam nak le na thazang
suah sinsin ko hmang sinsin ko.
Dawh ter uh sih semnak kan khua.