Ahmaisabik ah nan zaten nan kut kan tlai hni! Hibantuk in caantha nan ka pek ve mi ka hmuh tikah lungawinak tampi ka nei.
Khua pakhat meeting an tuahnak ahcun thusim hi an i cuh tukah zei an ti ti ahcun, khah kei kan khua ah milianbik kasi bantukin keimah nih ka sim hmaisa lai, kei kan khua ah mifimbik kasi bantukin keimah nih ka sim hmaisa lai anti ih 'na lianbik lo, na fim bik lo' an i ti hlei lo. Khuaram cah an lung um mi thu sim manh lo lai phan ah asi. Cubangin kannih khal kan saduhthah sim phuan ve hi a thupi ngaingai mi asi.
PILAT nih "Jesuh kha nan duhduh in tuah uh" tiah ati, "kei i cungah mawh um hlah seh" tiah a kut ai kholh nan a kut lawng a thiang. Atu tiang Jesuh that tu ah a tuanbia a tlau lo. Cubangin kei Ramthlo ka si lo tiah na vun hmanh hawk ttheh awla a ngah lo. Kan thih ni tiang Ramthlo hmin in kan thi ko lai. Kan thih hnu tiang hmanh konglam a tlau lo tihi thei cio siu!
JUDAH nih Jesuh a dawbik bantukin a hnam nan tlaihnak ding khuakhangtu hoi a rak si. Khuaram miphun kan dawt kan ti ahcun kanmai cah lawng tthatnak dingah thil kan tuah in mipi harnak, lungfaknak, le kan Ram a siat hrawktu kan si pang ahcun rak suak hlah sehla a tthadeuh tiah an kan ti pang ve lai.
SIAPI hmanh nih a suahnak ram a hngilh lo ti si. Minung sinsin nih cun kan hngilh ka zumlo. Cubantukin khoi in ka suak, ka ra, ka kal, zeibantuk dirhmun in ka nungcang ti a ruat lo mi le, dunglam sining, thil khirh a thiam lo mi cu mi hrut/mi aa an si tiah mifim pawl nih an sim an rel.
Marka 9:50 sungah “Cite bangtukin a ttha mi pawlkomhnak nei uhla pakhat le khat rualremten um uh” a ti bang in, kan umnakhmun cio ah zeibantuk pawlkomh siseh, biaknak ahmaw thil dang tete khalah 'Ramthlo pa, Ramthlo nu' ti awk in rualremten hawi hnen ai pawl kho tu si i zuam hram siu tihi kan miphun le kan khuaram nih thei cio sehla tiah thazaang pek kan duh hni.
Nan seherh nak karakdon ve mi cungah lungawinak tampi thawn,
NEI THANG, USA.
Hminsin: April 13-17, 2018 ih tuahmi Ramthlo Hrinthlak Nehbung Khirh Kum ih forhfialnak cakuat a si.
No comments:
Post a Comment