Duhdawtnak le Duhsaknak - Mai Esther Dimte (HLD)

             Duhdawtnak timi hi zeitinseh zapi fiang pup pi ding in kan leh ah tha lai tiah na ruat dah maw? Kei veitampi ka buai theu mi cu Duhdawtnak le Duhsaknak an ii sungkhat tuk ning le an riantuan ai dan ning te hi an si ee.

             Duhdawtnak timi cu kan dawtmi ii a lungawi ding kan duh, a mithmaipanh sirsiar te hmuh kan duh ii kan hmuh kho sunte a mitthli hmanh hi lungawinak ruang ii atla mi asi ding kan duh. A thil tuah mi kip ah a tha lam in kan hmuhsak ii thazang kan pek ringring. Minih zeibantuk in a tha lo zawng in hmu hni hmanh seh la kan humhual ii a that lo nak pahra sung in a that nak pakhat te lawng kan hmuh sak. Cu lawng hmanh silo in kan dawtmi cah cun kan nunnak liam tiang hmanh in a cah thiltha tuahsak kan duh. Duhdawtnak ah cun na kaa in na simh thengtheng a hau lo nan na tuahsernak in cun na langh ter tengteng a hau. Cutin na tuah bu hmanh ah cun na dawtmi nih a thei colh lo tla a si kho men ko lai nan na um nawn lo hnu ah si maw, nangmah ban tuk lungthiang ten a dawtu a hmuh kho lo tik ah si maw, na thiltuah mi pawl ii a phi an suak tik tel ah si maw..." Aw....a thiang mi dawtnak thawn lamdik a rak ka hmuh theu tu khoi ah seh na um? A tu'i na um nak hmun in ka hnen ah a ran nak in ra kir sal" tiah an hlam lai..Cutik ah cun a cah a tlai tuk cang tla a si kho men...cuiruang ah zei hmanh ka tlai tuk cang kan ti hlan ah kan tikho sunten kan thinlung thiang ten mi dawt kho ii zuam uh si!

            Duhsaknak timi cu kan dawtmi nih zeitin a ruat lai ti hnak in " hihi na tuah ding hrimhrim a si" tin hnek kan hmang. Cui a phisuak cu thiltha an si rilmal ko nan camkhat a tuar tu cah cun thih hlan lo hngilh kho lo ding khop in a thin sung ah a caam ii a thin a khawn dukmak. Kut leh rul ding ah le a dawtmi, a hawitha le a sungkhat unau a si fawn...lungthin te'i " na rimnam" ti bu in " um...a si ngai aw" ti hlei lo cu a ti kho mi a um lo. Miseukhat nih cun " nangmah zangfah ah kan simh " tiah an ti theu nan a thanso ding ngaingai cu an duh sak lo ii minih an soisel mi hnak in an porh bet ii a lung rawk feu an tuah theu. Duhsaknak cu na thin lung ah ii ret awk a tha lo na kaa in na simh tengteng a hau...Direct tuk in na simh si len na ruahnak pek mi a co hlan lo hlei ah an huat bet lai, Indirect in na simh si len kei mah ban tuk lung hnuam nawn cah cun a can khelh in a thei manh lo lai ii mawh an phurh te lai. A si ah zeitin seh mi kan dawt lai ii kan duhsaknak kan simh hni lai tiah na lung a buai kho men...a si nan, hizawn ah buai awk zeihmanh a um lo. A thupi bik cu mi hi na duhsak taktak maw? Nangmah le nangmah nai dawt tluk in na daw hni taktak maw?...ti hi an si ko.

            Mi kan dawt ko kan ti si ah cun kan duhsaknak khal hi a thianghlim mi an si a hau. Culawng ah kan pahnih cah thiltha an si lai ii an kan hmu tu pawl cah cawn awk tlak nunmawi kan dinh kho lai ee. Na lungthin tak te'i na dawt mi nih na hnen in tlawmtel " feeling" a neih kho ve lo ah cun na dawtnak kha a hmanmi a si lo tinak si ko lai!!! Na dawtmi hnen in vei ziat seh na feeling a lum ter ii na thawthawt a ran ter cang? Nangmai ruang ah teh au tel ai tthathnem pit tu an um maw? Au hmanh nih an kan cekfel lo lai ...9693 ttheuttheu kan si ko lai hi!!!!