Ka ngai ruangmang (Biazai) - Ngun Siang Dim

Zing Ni a suak, zanlam a liam.

Kan tiang sal ee, X'mass kum thar.
A thar sal ko, kan mitthlam ah,
na mithmai le na annka nem.

caan a kim, kan let leikuang.
Fang an thar cang, khuasik thla ah.
Thal tlawng pit caan, ti ngahring dawi
cu cang lai khaw, nang um lo in.

Hngilhni um hlah, liamcia caan kha.
Zinghmu, Tualzaam, Tipi, Kawlrawn,
Chokhlei, vaube, phaiceu par nih,
Milung hlau ee, liamcia nun hlun.

Ka ngai ruangmang, nang thawn leen kha.
Na um nak le na tuan mi ah,
Zingnu thlasuah dong hlei ce mu!
Thlaza ka cam, caan tha hngak in.