Kan nih lai mi hi Khrihfa kan si nak kum 100 leng kan si cang. Camping,
crusade a um nak poh ah cun kan kai i kan zir. Speaker nih thawngtha an sim mi
le a thu an kan zir mi tiang in ka ni by-heart dih Sualnak kong in nun lam ah
an kan zirh lai ti tiang khal kan i cinkenh dih. Ram dang mi hnak hmanh in kan
theology a sang ngai ngai. Tlawng kan rak kai lio ah tlawngta zaten New year
kan rak dong. Kan Bishop nih hlasa tu ding ah Sangpi le Saw Win Lwin an kan kawh sak. Hla cu an von sak
i caan a eh hnu ah kan mah classmates asi mi nih kut za kan va tlai lai Sangpi
khi kan dung hi nah an rak ah khan ka ni theih tiah ati i kut za tlai ding in
cun an va kal. Kan mah lam pa nih cun Saya Sangpi na ka thei nawn ma a ti. Sangpi
nih cun “Sorry kan thei nawn lo” tiah a ti. Cui thu a theih cu a mol luklak a
lungfak tuk le ning zak in khua a sa. Zeiruangah a mah nih cun a theih tuk ko
na in Sangpi nih rak thei ziar lo.
Matthai 7:21 ah “Bawipa, Bawipa tiah a
ka ti mi poh nih van cung pen nak sungah an lut dih lai ti nak si lo, asinan ka
pa i duh nak a tuah mi lawng lawng kha an lut lai.”
Bawipa ni a dongh tik ah
cun Bawipa hmai ah bia ceih kan si lai. Bawipa nang mah cu kan auh na dawt mi
na fa nu Dawt Sin Par kha ka si. Ramthlo Vantualrawn khua i um mi ka si. Mi
cung ah dawtnak, zaangfahnak nei mi ka si, Zaan tinte na hmaika ah thinlung
kekkuai in mitthli thawn thla a cam mi ka si, Na thuthangtha khal ka sim ka
phuang ko, Mi sifak pawl cung khal ah dawtnak ka nei, Kan khua cah ti in ka
siantawk te kai zuam ve. Na ram cah tin ka siantawk ten kai pe, Kan khua pitar
putar cung khal ah dawtnak ka nei ko. Pathian nih cun nang mah cu Dawt Sin Par
ka si na ti ma kan theih mi na si lo Peter a nih cu zeitik hmanh ah tawh onh
dah hlah tin hei ka ti seh la zei tluk lungfak le ningzak khi seh a si.
Mi tam pi cu Jesuh cu ka
cah a thi i a thawh sal nak ah ka tho ve kan ti ko nan kan thawh sal nak lam
sullam kan i fiang lo hoi hmang ruang ah le a hmin men khrihfa kan si ruang
khal ah ti hi a hmang mi mi tampi kan um. Bawipa theih mi si kan duh ah cun a
mai duh nak kha kan hawl i a duh nak kan tuah lawng lawng kha a si ko. Cu cu a
thih nak ah kan thi ve i thawhsal nak ah kan tho ve hi cu asi.
Minung nih cun mi
tthawngtha le mi lian le mi fim mi thiam lawng kan theih i mi sifak santlailo
hngakttah buangro pawl kan thei kho hni lo. Asinan Minung nih kan theih lo mi
kha a theih i a mah duh nak a tuah mi lawnglawng kha Pathian i theih mi fa cu
kan si.
No comments:
Post a Comment