Ahlaan i kai hmuhning le ka u ka nau ka hmuhning, ka nu ka pa ka hmuhning, ka innsungkhar ka hmuhning ka ruat sal ttheu tikah ka lung kai tling hrimhrim lo. Ka unau, ka nu ka pa ka hmuhning khal ah kai lungsi kho hrimhrim lo. Kai hmuhning hi ka ruah tikah ka ngeihsiat daan khal a zual i mi ka hei hmuhning khal ah an tlin lo nak lawnglawng ka hei hmuh hni. Ka ruat mi cu aithawh caan i mi tlin lo tlak lo nak lawng hmuh nih hin zei a suahpit hlei lo sikaw zeitinseh ka ti lai ti kha a um. Keimah lungtho ten hitin ka ti lai i ka ttha in kai ning deuh kho men ka ti.
Ka aithawh/thintawi caan ah ka fapa ka fanu ka nupi hi Pathian fanu fapa an si ti in kai hmuhter i Pathian fanu fapa an ngeihsiat ter ding cu ka ti i ka thin a dam. Cu ti ka ruat fate ka thin a dam i an i palh pang mi hmanh hi ngeihthiam a awl tuk. Ni khat ah vei khat te ngeihthiam hmanh ah hin hi tluk in hna a ngam in ih hmuh thaw sikaw, Jesuh ngeihthiamnak in mi ngeihthiam sehla zeitluk in seh kan hna a ngam lai ti ka ruat. Jesuh nih cun ni khat ah mi pakhat hi vei zali le sawmkua (490) na ngeihthiam lai a kan ti. Ziah kan tuah kho lo tiah cun hmuhning ai dan ruangah si. Ziah kan tuah kho lo tiah cun Pathian fanu fapa a si ko mi kha na pa ka si na ka thei lo maw si, na pasal ka si na ka thei lo maw si kan ti. Jesuh nih ka fanu ka fapa an kan ti mi kan si. Pathian hmuihmel keng/cuang in tuah mi kan si hi fian a za cang i Pathian fanu fapa hmuh/zoh i hmuh/zoh a za cang.
A caan a um lio ah Pa lawng si lo nu khal nan ni tel ve. Nangteh na hmuhning zeitinseh na hmuh? Kan hmuhning cio in cung Pathian nih lai a rel te lai. Ngansual pangmi um si le kan remh te sal lai.
Khrih ah nan unau,
Thang te pa, USA
No comments:
Post a Comment