Dabate tel ka duhnak san cu cangan ka thiamh deuhnak dingah, ka ruahnak a ka kauhter deuhnak dingah, hmuh theihnak kai be lai ti ruahsan nak ka nei, tel ka ngah ti ka theih in hruaitu hi a thupi deuh ti ka ruah. Mino hruaitu, VMP hruaitu ka tuan mi hi zei ka siloning kai hmuh tikah zuamnak thinlung thawn kai tel mi a si. Debate kan tuah lai an ti tikah mipi maw thupi deuh hruaitu an ti lo, Hruaitu maw thupi deuh mipi ti asi hruaitu thu pit deuh ruangah an ngan hmaisa ko khah. Mah le mah hmanh ai uk kho lo mi kan si tikah kan mah hi hruaitu kan si ti i theih a hau. Mah le mah i uk kho ah cun hruaitu tha kan si ko. Cuiruangah hruaitu hi a thupi deuh. Hruaitu um lo in mipi lawng an i hruai ti ka thei dah lo, nan thei ciao maw? Hruaitu nih mipi a hruai hni, mipi nih hruaitu a hruai lo. Mipi hnak in hruaitu a thupi deuh i hruaitu hmanh ah hin hruaitu tha hi a thupi deuh hrih.
Fa le hruaitu hi nu le pa kan si. Pu Ram Luai tei sung hi a nu le pa nih an fa le an hruai that tuk ruangah mai ke cung dir kho ah an i suah dih ti seh la a sual lo lai, cuiruangah hruaitu a thupi deuh.
US um Ramthlo pawl nih Vantualrawn meisa vannak dingah tiah hruaitu pawl hauha nak in tangka tingkul lenglo an bomh, mipi nih an hoha ti a si lo, hruaitu hoha ruangah a si. Hruaitu cu mipi cungah a um a thupi deuh ko.
Pathian nih Israel pawl kha hruaitu um lo in kanaan ramah kal uh a ti lo, hruaitu a thupi a ti i moses a hril. Moses athih hnu hmanh ah Joshua nih a hruai hrih hni. Pathian nih a thupi a ti mi a thupi lo nan ti ah cun i ruat ko uh. David siangpahrang kha Pathian tih zah bu in Israel pawl a hruai tikah an ram a nuam, ral an neh cu lawng hmanh si lo in a fapa solomon tiang in thluasuah nak a co hrih.
Hruaitu tha si dingah cun Pathian a zum i ai bohsan taktak mi si a hau, Pathian tih mi si a hau, Duhdawtnak, zawnruahnak, tangdornak, lungsaunak, hruai duhnak, mizaangfahnak, hruai thiamnak, dinfelnak, fimthiamnak neih a hau. Tlamtlin deuh khal a hau. Hi ti kan i hruai a si ah cun kan khua kan ram kan minung kan thangso ko lai. Ka lungawi tuk.
Hrang Lian Thang,
Malaysia
No comments:
Post a Comment