Tuarthlua tlang unau za Debate tuah kho dingin pathian nih cantha a kan pek i pathian nih thla suah kan pe ko seh! Debate tlangtar Hruaitu a biapi deuh, ka ti. 1929 kum Great Depression vawlei cung pumpi ah caan asiat lio bik kum asi i U.S.A khal asiat dih cikcek tum asi economic atla dih caan asi i zeiruangah seh hitin kan ram a siat ti an zoh tikah a result an hmuh mi cu hruaitu tha lo ruangah asi. American president Herbert C. Hoover tuan lio asi i mipi nih kan ramah hruaitutha kan tul ko ti in thla an cam. Cun president Franklin D. Roosevelt nih 1933 in a von sawn i U.S.A cu a thangso thluahmah, economic khal a kai thluahmah, a tu i US um pawl i kan hman mi Social Security khal hi a mah tuah mi si i; cuiruangah Hruaitu a thupi deuh ko. Cun hruaitu thatlonak ram kan zoh sal lai. North Korea le atu i a buai cuahmah mi Lit via & kawlram te pawl hi an si zeiruangah ti si ah cun hruaitu President that lo ruangah si ti hi kan hmuh cio ko lai. hruaitu a that ah cun zei ban tuk khal mi pi san tlai lo hmanh seh, ram a dam ram a thangso. President Franklin D. Roosevelt zeiruangah seh, U.S.A 1933 kum in 1945 kum nga tiang a tuan ti ah cun hruaitutha hotutha asi ruangah kum 15 sung a tuannak a si. Communist uknak lawng si lo in Democracy uknak khal ah hruaitu hotu an that lo ah, cun ram asiat dih ko. Cubantuk in Organization pawlkomh pakhat khal ah hruaitu kan bia pi deuh ko. Cun an ti tawn mi cu hruaitutha si dingah cun hruaimitha si a hau an ti. D. Roosevelt te pawl khi hruaimi tha an si hlei lo. Hruaitu hnak in hruaimi an um hmai sa zei ruangahseh hruaitu ti mi hi vawleicungah an hril i an tuah ti cu a thupi deuh ruangah asi. cun hngerhte hmanh nih an hruaitu a thatruangah a fur thal ti lo in ei awk an nei. Cun an tahthimh theu mi minung hi ke le kut te pawl hnak in lu a thupi deuh. Kut le ke cu tan hmanhsehla kan nung ko lai lu cu tan sehla kan thi ko lai ka ti. Lu nih a hawinak lam poh ah kal asi ko. Kan miphun kan pawlkomh, kan ram, damnak cah cun hruaitu, hotu kan biapi deuh hrim hrim ko ti hi si seh! Ngan ding a tampi nan kan suai cia mi A4 tlap khat bak asi ko ti in ka ruat. Mipi hnak in Hruaitu Hotu kan thupi deuh ko.
Lomhnak tampi thawn,
C. Rual Cung
Texas, USA
No comments:
Post a Comment