Thlacam nun

Zumtu nitin kan nunnak ah Jericho kan nei maw? Kan tidin awk, kan rawl lei awk le kan sinhfenh awk hnipuan cah kan tul kan herh mi vial te cah siseh, kan thinlung i saduhthah mi vial te kim seh tiah thla kan cam ah kan ngah tengteng lai tin maw thla kan cam? Asilo ah thlacam cu kan rian asi i a kimter tu cu pathian asi tin seh thla kan cam? Kan lungthlitum kim ter awk ah vei ziat seh thlacam a hau kan ti i vei ziat seh thla kan cam theu? Pathian nih Israel pawl Jericho khuakulh cimh ter awk ah vei hleithum a hel ter hni. Au hmanh nih phunzai lo ten Trumpet tum phah in an hel. Pathian nih a thukam cia mi kim ter awk ah tuanvo a nei ti an zumh ruangah an zumhnak le an zawnlunnak cu pathian nih a hmuh tikah neh nak a pek hni. Zumtu nang le kei teh thla kan cam ah ka ngah tengteng lai tin maw thla kan cam asi lo ah “pathian nangmah na thu si seh” tin kan bawipa Jesuh khrih bantuk in seh thla kan cam? Kan thlacamnak aphi kan ngah le ngah lo cu kan mai zumhnak cungah a um. Jericho khuakulh vuihram lo ten le lung awl tawm lo ten an hel bantuk in kan nih khal thinsau lungfual ten thlacam ve uh si!