Jesuh hi naute asi nawn lo

Hmunkip um nan zate cung ah Christmas deihnak um ko seh!

Mtt 1:21 “Fapa ahrin lai ih ahmin ah Jesuh na sak lai zei cah tiah cun a mi kha an sual nak in akham hna lai”

Tahan ah kan um i nitinte mawtaw saikal in ai taih i athilo hmuh awk an um lengmang. Ka lungthin ah asuak mi cu pathian khamnak aco hmang maw? A piangthar hmang maw ti hi asi. Dawtmi Rom 5:12 ah cun “mi pakhat thawng in vawleicung ah sual alut ih sualnak nih thihnak arat pi” ti kan hmuh Adam thawn ka ni pehtleinak cu kan thih kho nak ah hin asi. Dawt mi Saam 49:18-20 ah cun “mi cu zeitluk in rum hmansehla a rumnak nih thihnak in a khamh kho lo lai” ati. Ziah tiah cun thihnak in kham kho tu cu Jesuh lawng asi ruangah asi. Kan duh ah duh lo ah thihnak nih a kan hngah ko. Kan caan aphanlo i si ko. Cuiruangah pathian nih thihnak in luatnak dingah dawtnak le zangfahnak ruangah zungzal khamhtu ding a kan pek. Laksawng
a kan suah mi hi na co zo maw? Mi vial te cah asi. Man lo asi, thleidan aum lo, a zumtu cah cun zungzal nunnak asi. Jn 5:24 ah “ka bia a thei i a ka thlahtu a zumtu cu biaceih nak a ing lai lo, thihnak in nunnak ah a lan cang ati.” Dawtmi Jesuh hi naute asi nawn lo. Bethlehem lawngah si lo in Calvary ah a thi hnu ah a thosal ih pavar lam ah kan cah a thisen put in ngeihthiam a kan deih saktu asi. Hlaphuahtu nih ngeihthiamnak tling le zungzal nunnak cu a ser mi remnak thawng n an pek cang ati. Curuangah na tuahmi na tuanmi par ah si lo in Jesuh tuahsaknak par ih lung awi thu sim hi pathian nih aduh bik mi asi. Vei khat cu lettama pa kha Evangelish pa nih zarh khat sung pathian thu asim ih ai fiang kho lo. A hmaizarh ah Evangelish pa cu lettama pa’i hnenah ava leng ih cabuai dawh te ih atuah cia mi kha zipaw ai lak ih kan remh sak lai ati…ai ai ai thamhlah ka theh cangmi asi ati. Cutikah Evangelish pa nih zarh khat kan simh mi thu kha hi ban tuk hi asi ati Jesuh nih atheh cang nang rian na nei nawn lo ati. Cu le veten khamh ai fiang ti asi. Dawtmi Christmas hi kum tam nawn kan hmang cio lai. Vawlei ah Jesuh asuah san taktak hi thudang ah si lo in thihnak kan tih ruang ih ther le phang ih kan umnak in luat ter i khamhnak tling co ter a kan duh ruangah asi. Jesuh tuah cia mi parah nai lomh lo ah zei parah seh nai lomh nawn lai? Lomhnak sim kho tu kan si cio nak lai casiartu nan za te cungah pathian nih thlaw in suah hram hni she! Amen

Pastor Hme Bik,
Tahan