Hngaksia kum 2 cung poh nih cun phone tongh an
thiam taktak. An phanh kho lo nak hmun ah ret dah ti lo ah, an tongh kho
lo ding in tuahnak lam a um lo. Zeitluk ttha in "security" tuah khal
ah caan rau lo te ah a "password" an theih tthiamtthiam. Zeiruangah
hi tluk ol te in an thiam kho?
Mirangca khal an siar thiam lo nan. An thluak tthat tuk ruangah maw a si hmang
lai? Bible catlang pakhat hmanh ol ten an i cinken kho fawn ual lo.
An sining theihfian duh ah hngaksia nih Phone an tongh lio ah ttha tein ka zoh lengmang hni. Phone tham tuk mi hngaksia poh nih an i bangh dih nak pakhat a um. An tham mi phone kha a siat pang lai tiah ralrinnak an nei bak lo. An tuah duhmi bak kha ruru-rara in an hmeh ko. Cutikah ol ten an hawl mi an hmuh kho i an thiam zau. Casiar kho lo upa nih cun phone a siat pang lai ti phang in kan tok lek lo tik ah kan thiam kho lo.
Minung kan nunnak ah hin ttihphannak um lo ten kan tuah duhmi kan tuah ngam hi a rak thupi tuk. Kan duhmi kan thiam kho nak dingah thluaktthat (smart) tuk khal a rak hau lem lo. Cathiam tuk khal a rak ttul lem fawn hmang lo! Kiangkap le midang zoh tuk lo in kan tuah duh mi bak ruru-rara in kan rak nam ngam hi a rak thu bik ko hmang ka ti. Cucu, raltthat kan timi cu a si ko lo maw? Ram le miphun ca-ah nunnak pek ngam in riantuantu pawl theng te khi mi ralttha an si lem hmang lo.
Cawn ding le theih ding in a khat mi ramttha phanmi Kan Ramthlo zate nih "kei cu san ka tlai lo eh..." “ka tar tuk cang eh” “ka thluak sia tuk eh” ti in ai tangdor tak mi a bang mi mi ralsia kan tam tuk mi hi cu a poi ngaingai ko. Kan ngamh lo ah cun kan thiam kho ding mi a rak um lo. Kan derthawmnak i donh ter lo in mit sinh kam seh in raltthat deuh kan rak ttul bak ko hmang..
An sining theihfian duh ah hngaksia nih Phone an tongh lio ah ttha tein ka zoh lengmang hni. Phone tham tuk mi hngaksia poh nih an i bangh dih nak pakhat a um. An tham mi phone kha a siat pang lai tiah ralrinnak an nei bak lo. An tuah duhmi bak kha ruru-rara in an hmeh ko. Cutikah ol ten an hawl mi an hmuh kho i an thiam zau. Casiar kho lo upa nih cun phone a siat pang lai ti phang in kan tok lek lo tik ah kan thiam kho lo.
Minung kan nunnak ah hin ttihphannak um lo ten kan tuah duhmi kan tuah ngam hi a rak thupi tuk. Kan duhmi kan thiam kho nak dingah thluaktthat (smart) tuk khal a rak hau lem lo. Cathiam tuk khal a rak ttul lem fawn hmang lo! Kiangkap le midang zoh tuk lo in kan tuah duh mi bak ruru-rara in kan rak nam ngam hi a rak thu bik ko hmang ka ti. Cucu, raltthat kan timi cu a si ko lo maw? Ram le miphun ca-ah nunnak pek ngam in riantuantu pawl theng te khi mi ralttha an si lem hmang lo.
Cawn ding le theih ding in a khat mi ramttha phanmi Kan Ramthlo zate nih "kei cu san ka tlai lo eh..." “ka tar tuk cang eh” “ka thluak sia tuk eh” ti in ai tangdor tak mi a bang mi mi ralsia kan tam tuk mi hi cu a poi ngaingai ko. Kan ngamh lo ah cun kan thiam kho ding mi a rak um lo. Kan derthawmnak i donh ter lo in mit sinh kam seh in raltthat deuh kan rak ttul bak ko hmang..
Zate caah that hnem
nak asi lai maw ti ruah nak thawn!
Ni Ni,
USA
No comments:
Post a Comment