Duhdawtnak Lamtluan - Bawi Nei Thang

Duhdawtnak timi hi pakhat le pakhat,sungle khar, khuale ram karlakah kan nei lo si loin kan nei dih ciao ko nain na ka/kan daw lo kan ni ti theu mihi i dawt lo si loin i dawt dan kan thiam lo a si deuh tiah ka ruah. Zeitinseh duhdawtnak lamtluan ah kan kal kho lai kan thiam kho lai tihi basic in tlawmpal ka ruahning kan von in hrawm ve hni.

Step pakhatnak ahcun pakhat le pakhat, na sungle khar, na khuale ram kha ka dawt bak lai tiin na thinlung na ruahnak kha i thlek i sung-phiatnak nei hmasa. Aruang cu na thinlung na ruahnak kha na hmailam lamtluan caah a thupi bikmi a si. Duhdawtnak timi a ratnak hrampi cu kan lungthin sungin ka duhdawt lai tiin lung i thlek (sung-phiat) khi a si. Duhdawtnak nei dingin na thinlung nai then/thlek cang a si ahcun cucu Pathian khal nih a duhmi a si caah na thinlung na ruahnak kha dawtnak nei kho dingin Pathian nih an bawmh ko lai. Kan biakmi Pathian cu dawtnak thatnak tuah khonak dingah mi a bawm zungzaltu a si. Bawipa hmin thangtha ko seh.

Step pahnihnak ahcun practical in kan hman a hau. Pakhat le pakhat, nupi, tefa, sungkhar, khuale ram ah kan dawt (I love you) ti kha hmang na dawtnak kha an hna mit khal in theih hmuh ve an/kan duh. An hmuh theihmi na dawtnak na langhtermi nih khan nan lak karah dawtnak lam tampi a sersiam lai. Kan nih Lai mi nih cun kan dawt ti cu sim lo kan nu thawn phone kan ni sawn i kan dawt(I love you) ka ti cu ka kiang i ummi ka hawipa lehlam a ning a rak zak cumu. Voikhat voihnih nak ahcun kan ni harh men lai nain a nehhnu ahcun kan thiam vima te ko lai a voikhat voihnihnak step lak kha a har deuh ihsi. Kan Bawipa Jesu khal nih khan Peter kha na ka daw maw tiah voi thum a deih i kan dawt a ti a dawtnak kha a sim. Na khuale ram cah khalah sim ve. Khual ka tlawn caan i Ramthlo a langh nawn lonak ding tahthimhnakah Lungpi tlang ka liam lai tibantuk ah khin maw ka dawtmi Ramthlo tiah ka hnu kai von i mer ta theu langmang. Cuti ka hnu kai von i mer i maw ka dawtmi Ramthlo ti ka simmi nih ka suahsemnak khua Ramthlo dawtnak lam tampi a ka sersiam tiah kai ruah. Cuiruangah kan lugsung i a ummi dawtnak kha pakhat le pakhat karlak ah si seh khuale ram caah si seh kan ka hrimhrim i sim hi dawtnak lamtluan caah a thupi ngaingai mi a si tiah ka ruah.

Acunglam i step 1 le 2 kan neih kho a si ahcun dawtnak lamtluan ah a kan hruai lai i duhdawtnak i a theitlai a simi thinsaunak, mi zaagfah thiamnak,mi zawnruahnak, tangdornak, nun nemnak, tuar khonak, mi ngaithiamnak, lungsaunak, ti pawl kan nei kho lai. Kan zaten dawtnak a nei i thei tampi a tlai khomi si ciao dingin Bawipa nih thluasuahnak kan pe hram seh.

Ngun Duh Lian pa
New York