Phaizong,Shokhlei par le Vate phuntling
kip nih an aw an zai le an par phuntling in Christmas caan an hon
thangthat/sunhlawih cuahmah. Cu ve bantuk in Bawipa nih ser mi thingkung,
pangpar, saram, vate phuntling lawng si lo in a ser mi minung kip nih kan hon
panh in kan hon neih cuahmah ve. Kan Bible sung vial te lak ii a laar(popular)
ngaingai mi U pa sim lo in tualleng tlawng a kai lio mi kan fa/nau hmanh nih an
i byheart dih cikcek mi (John 3:16) "Pathian
nih vulei a dawt tuk ruangah a Fapa neihsunh a pek, cu a zum mi poah cu thi lo
in zungzal nun nak an nei lai"
Kan pi/pu, kan nu/pa Khrihfa an rak si
nak ruangah kan nih khal kan rak suak hlan in Khrihfa kan si dih. Cu Khrihfa
kan si nak thawng in Christmas ni sunglawi tla kan hon lawm in kan hon tep kho
ve. Asinan kha Khrihfa kan rak si nak ruangah vancung pen nak co kho a rak si
ve lo. Vancung pen nak kan co kho nak cu a tui caan hi asi. A fapa neihsunh pek
kan si ii cui a rak cohlang mi poah nih cun Vancung pen nak kan co kho lai.
Bethlehem khua ii a suak mi
naute Jesuh zoh ding ah Mifim Pathum an kal. Cu mifim pathum nih an kal nak lam
an i palh ruangah Siangpahrang pa Herod nih naute cu thah ding in a hawl. Cu ve
bantuk in Mi fim/Mi thiam/U pa/Hruaitu tam pi nih kan kal nak lam kan rak ii
palh ve si ah cun kan hruai cuahmah mi kan mi pi kan nau le nih kan rak ii palh
nak kha an rak zuun kho ve. Cui kan rak ii palh nak lam siseh Satan Sal ii kan
rak taan nak sung in khamh/suah tu ding ah Pathian nih a fapa ui lo in an kan
pek. Na rak cohlang ve lo lai maw?
Cui Thuthangtha a rak
cohlang mi poahpoah cu thi lo in zungzal nun nak van cung ro kan co lai.
No comments:
Post a Comment