Hngaksiat lio hi mitam deuh nih cun a nuam tiah an ti cio i kei khal nih a nuam cem tiah ka ti ve. Asinan ka ngaksiat lio ka sining ahhin har ti ah cun hngilh awk a ttha hrimhrim lo. Kho in rawl kan ei i atu tiang hi ka mitthlam ah a cuang. Ka nu le ka pa nih asur tilo ahan tilo in nitinte lo an kal i fa le duhdawtnak an langhter i an kaa sungrawl tiang an kan phorh. Ka upat hnu khal ah ratthe le aalu kan ei i veikhat cu kan ratthe minih an ni luah pang i aalu lawng kan ei. Khamh kai fian hnu rori khal ah angki zuunkhat te lawng in khua a saa mi ka si i veikhat cu zarhte zan lo lam ka tlun phah ah ruah a sur i ka angki cu a ciap dih. Pumh le ka duh kor dang le ka nei lo i a cu te cu meisa ah ka em hnu ah ka vai pum i ka tlai. USA ka tian hnu khal ah (saikal) in kumkhat le a seu sung rian ttuan kal nak ah le (bazaar) kai nak ah ka hmang. Veikhat cu ka pa phone ka sonh lio ah ka ti mi cu a hlan ah cun rattle le vamho duhdim in ei awk hmanh kan rak hmu lo. Atu ahcun Pathian thawng in dawr tla ah thil nan caw khei ka ti i a ka leh mi cu, "kan cawm khei hni lo i nan hmai lam kan khaap hni lo" tiah a ka leh. Kei ka sim duh mi le a dang; ka pa'i theih/ngai daan ah le ai dang. Ka sim duh mi cu a hlan ka sining nih khan Pathian nih a ka dawt/velngeih nak kha thukpin a ka theih/hmuh ter. Kai/Mupi nih a fa hmun dangah a tthial bantuk in Pathian nih ka suahnak khua in USA ah a ra ka kuat ti hi kai fiang tuk cang. Ka Pa ka sonh sal mi cu "Papa ka suakkaa ah khan USA tiang ding in thla na rak ka cam sak dah maw?" tiah ka deih i "cam sak dah hlah" tiah a ka leh. "Aw cuiruang ah hmen cu a hlaan kan sining kan ngaksiat lio kan sining le a tui kan sining hi kan simh duh mi a si cu" ka ti i, "si rori" a ti.
A hlaan ka sining ka ruat tik ah (thakpherh) le ttaaifawt in a thi ding ka si ko na in ka nung i hi zawn hmun Bawipa nih a ra ka kuat mi hi a ruang/tinhmi a nei ko lai ti hi ka thinlung sungah a um i cucu ka pemh/fian kho nak ding heh tiah thla ka cam i ka thinlung sungah a um mi le ka fian mi cu, ka nawl/thu ngai aw la kan um pi zungzal/ringring lai, ti a si. Pathian thu ngai cu kai thim/hrilh cang.
Cu cu nuncawn asi. Mah sining i hngalh/theihlo ahcun nuncawn hi a ol lo. Cun ka sim cang bantuk in nuncawn ti mi hi a dong kho lo mi cawn awk cawk lo asi ruangah kan sining kan ruat tikah ttumsuknak le Pathian thawn kan ii hlatnak ah canter si lo in tthansonak le Pathian duhdawtnak thuk pin kan theih sinsin nak ah cang hram seh! A ttha mi um si le a ngan tu le a siartu Bawipa nih thluasuahnak kan pek sak hram seh!
Khrih ah nan unau,
Thangte pa,
Virgina, USA
No comments:
Post a Comment