Abu riantuannak (teamwork) timi hi a
thupi tuk mi riantuannak pakhat a si. England ramah Bawhlung sit thiamthiam
minung tampi an suak lengmang na in world cup zuamnak ah semifinal hmanh an kai
kho dah lo. Aruang cu teamwork timi an neih lo ruangah a si. Teamwork timi an
neih lo tikah zeitlukin a thiam a cak an um khal sile an tha a baang an tha a
der sal lengmang ti fiang ten hmuh kho a si. Cu bantukin kan nih khal USA
lawng, Australia lawng, Malaysia lawng, Singapore lawng, Lai lam lawng kan i ti a
si ahcun a rauh hlanah kan tha a baang lai i kan tha a der zau ko lai. Kan tha
a cah i kan tha a t'hawn kho ringring nak ding ahcun a bu riantuannak (teamwork) timi hi a thupi tuk ti kan i fian cio a hau.
Cun rian tampi hi pumpak khal in tuan kho cio a si i kan tuan cio
t’heu. Asinan "if you want to go far, go together" an ti i saupi tuan
kho kal kho kan duh a si ahcun teamwork kan hau thiamthiam. Pumpak i riant’uan
hi a taktak ahcun (t'a-ku-kawng-san) an timi mahlawng t'hat co duh ti kho a si.
Cuiruangah t'ha te le saupi riant’uan kho kan duh a si ahcun teamwork kan timi
a bu riant’uannak hi a thupi ah kan ret kho a hau.
Cuiruangah u le nau kanmah lawng riantuan si lo in pumpak lawng
riantuan si lo in kan zaten a bu in teamwork in riantuan cio dingin sawm kan in
duh. Khua le tlang, peng le ram riant’uannak pawl khal kan zoh tikah a bu riant’uannak (teamwork) tha a pe mi le pe lo mi a nei mi le nei lo mi cu tampi in an i thlau
ti hmuh kho a si. Cuiruangah kan nih khal a bu riantuannak (teamwork) timi nei in
tha pe in rian kan t’uan ahcun kan khuat-hrai ah ti dor khat cio dorh in a khah
lengah riant’uan kan cak kan t'hawng ringring kho lai. Kan cah kan t'hawn kho
ahcun kanmah khal kan i nuam lai i kan i lunghmuih lai. Kan zaang a tlung lai,
kan tha a tho lai, kan lung a tho kho ringring lai. Lungtho ten i peknak hi
Bawipa cohlanmi le a kan fialmi khal a si. Abu riantuannak (teamwork) riantuannak
nei in lungtho ten kan i pek cio khonak dingah Bawipa nih thluasuahnak kan pek
sak hram seh.
No comments:
Post a Comment