Pathian nih Van le Vulei a sung ii um mi thlapi, arfi, nika, a dang thil vial te a sersiam dih. Khuaruahhar Pathian mangbangza Pathian asi.
Asinan, Siangpahrang David cu a khuaruah har lo Pathian hmen cu a si cu a tuah ko lai teh! Hi thil a sersiam mi in hmen cu a sunlawi nak le biak awk tlak a si nak cu alangh ter cu (saam 19), hi tal a tuah lo ah biak awk a tlak lai maw tiah a ti. Nain, David khuaruahhar ter tu thil pakhat te a um cu cu" Pathian dawt nak" hi asi."minung hi zeiseh a si i na hnak kar ah na tenh? Minung menmen a si mi hi zeiseh a si i a zawn na ruah? ti hi ka ruat tiah a ti.
Zei hmanh si lo mi nang le kei Bawipa nih ahnak kar ah an kan tenh! nan mah nih nan ka hril lo kei mah nih ka hril hni (johan15:16) tiah an kan ti. Tahthimhnak ah Vuleicung mi lian bik nih kan hril hni zei hmanh tuah hau lo, inn khal kan cawk sak hni lai, zeizongza kan tuah sak ttheh hni lai kan ti sehla zei tin seh kan leh hmang lai? Sim hau lo kan i nuamh lai ning hi cu mu! Kan hni kan daak lai, kan laam kan khawt lai.
Thih thiam mi minung hmanh nih cutluk nuamh nak, lungawi nak an kan pek si ah cun a nung mi Pathian, Khuaruahhar dawtnak a nei mi kan Pathian hnen sinsin ahcun lungawinak le hnangamnak a liam in a liam ko. A sunglawi Van mi thiang vialte nih an u pat mi Khuaruahhar Dawtnak nei tu cu...
No comments:
Post a Comment